Призывник көне

Узган чәршәмбедә "Акчарлак" комплексында үткәрелгән спорт бәйрәмендә призыв яшендәге кырык егет катнашты.
Призывниклар алдында юллама сүзе белән район хәрби комиссары Дамир Сергеев, Бөек Ватан сугышы ветераны Хәким Галиуллин, яшьләр эше һәм спорт бүлеге җитәкчесе Фирдүс Хәйруллин чыкты. Балалар музыка мәктәбе укучылары бәйрәм номерлары әзерләгән иде.
Булачак солдатлар өч төркемгә бүленеп, көч сынашу өчен залга таралды. Ярышлар спортның алты төре: йөгерү, автомат сүтеп җыю, гер күтәрү, аркылы борыста тартылу, идәннән күтәрелү, противогаз кию буенча көч сынаштылар.