Почта хезмәткәрләре - ялгызлыкка каршы

Татарстан почтасы хезмәткәрләре республикада 1 октябрьдән - Халыкара өлкәннәр көнендә старт алган «Син үзең генә түгел!» акциясе инициаторы булды.

Алар үткәрүче социаль акция өлкәннәр йортында яшәүче кешеләргә үзләре генә түгеллеген, аларны онытмауларын тоярга мөмкинлек бирә.

Ай дәвамында Россия почтасы клиентлары теләсә кайсы почта элемтәсе бүлегенә кереп адрессыз хат, открытка, хәтта посылка җибәрә ала. 31 октябрьдә почта хезмәткәрләре өлкәннәр йортына барып, өлкәннәр язмышына битараф булмаган гражданнарның матур теләкләрен тапшырачак.