Онытырга хакыбыз юк

Яраткан шагыйрем Илдар Юзеевның "Язылмаган поэма"сын укып күрсәткәч, укучылар миннән: "Апа, кем соң ул Хәйретдин Мөҗәй?" - дип сорадылар.

Мин аларга җавап бирергә ашыкмадым. "Әйдәгез, бергәләшеп җавап эзлик, чыннан да, кем икән соң ул безнең күбебезгә таныш булмаган Хәйретдин Мөҗәй", -дидем.

Мәктәп һәм авыл китапханәләрендә без аның турында бер генә материал да тапмадык. Билгеле инде, интернетка чыктык. Әлбәттә, материал бар интернетта, ләкин анда да күп түгел.

Х. Мөҗәйнең тормыш юлын һәм иҗатын өйрәнеп, 7 сыйныф укучылары бу сорауга җавапны үзләре тапты. Алар шагыйрьгә багышлап, "Йөрәгендә - җыр, кулында - мылтык" дигән әдәби-музыкаль кичә әзерләде. Укучылар Хәйретдин Мөҗәйнең тетрәндергеч язмышы белән таныштырды, аның шигырьләрен укыдылар, Илдар Юзеевның аңа багышланган "Язылмаган поэма"сын йөрәкләргә үтеп керерлек итеп сөйләп күрсәттеләр. Кичә барыбызны да бик дулкынландырды.

Хәйретдин Мөҗәйнең кабере юк, ләкин аның исеме югалырга тиеш түгел. Башкортстанда туып үссә дә, ул - татар шагыйре, ул - безнең милләттәшебез. Без туган ил өчен корбан булган татар улларын хөрмәт белән искә алырга, онытмаска һәм исемнәрен мәңгеләштерергә тиешбез. Безнең аларны онытырга хакыбыз юк.

7 сыйныф укучылары әзерләгән "Йөрәгендә - җыр, кулында - мылтык" дигән әдәби-музыкаль кичә Дахау концлагерында фашистлар тарафыннан кремоторийда яндырылган татар шагыйре полковник Хәйретдин Мөҗәйнең якты истәлегенә багышланды.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов:
  • 25 декабрь 2019 - 13:41
    Кама Тамагы: Яңа елны каршылыйбыз
  • 25 декабрь 2019 - 13:40
    "Туган як/ Родной край" форумында катнашучыларны Рудник урта мәктәбенең укытучылар һәм укучылар коллективы җылы каршы алдылар
  • Идел буйлап Рейд
  • Кирельский авылында мәдәният йорты
  • 9 май - Җиңү көне
  • 8 октябрь 2021 - 13:38
    Өлкәннәр ункөнлегендә генә түгел
    Хәзерге вакытта Кама Тамагы районы территориясендә 6 мең пенсия яшендәге граңданин яши. Аларның 166сы – ялгыз, 669ы – ялгыз яшәүче, 1870 кеше – 70 яшьтән, 908 граждан – 80 яшьтән, 186 кеше 90 яшьтән өлкән.
    638
    0
    0
  • 17 сентябрь 2021 - 09:38
    Якташыбыз истәгенә һәйкәл куелды
    14 сентябрь көнне Олы Кариле авылында якташыбыз – ТАССРның атказанган сәнгать эшлеклесе Сабир Өметбаев һәйкәлен ачу тантанасы булды.
    1519
    0
    0