Наил Вазыйховның Татарстан Республикасы һәм район көне белән котлавы

Республика көне күп милләтле җиребездә яшәүче барлык халыкларның бердәмлеге, татулыгы һәм килешү символы. Татарстан – Россиянең иң матур тәбәкләреннән берсе, ул үзенең үзенчәлекле мәдәниятен кадерләп саклый, аны буыннан –буынга тапшыра. Татарстанның уңышы – барлык күрсәткечләрнең югары булуында, ул исә республика халкының  югары максатларга омтылуы белән турыдан-туры бәйле. Сәнәгать, авыл хуҗалыгы, торак һәм юллар төзелеше, мөһим социаль проблемаларны хәл итү – болар барысы да Татарстанның бай икътисади һәм инновацион потенциалының нәтиҗәле гамәлгә ашырылуы турында сөйли.

Районыбызда тормыш сыйфаты яхшырсын, социаль-икътисади үсеш уңай нәтиҗәләргә китерсен өчен барыбыз бергә уртак көч куйык.

Бу бәйрәм көнендә иң эчкерсез теләкләрне кабул итегез – сезгә нык сәламәтлек, уңышлар, бәхет, иминлек һәм киләчәк көнгә ышаныч телим.

Кама Тамагы муниципаль районы Башлыгы                                                                               Н.А.Вазыйхов