Мин суда куркынычсызлык яклы

Кичә ГИМС хезмәткәрләре Куйбышев Затон һәм Кама Тамагы штп пляжларына рейд үткәрде.

ГИМС дәүләт инспекторы Илһам Вәлиев, техник Татьяна Агибалова, волонтерлар Фәризә Моталипова һәм Таңсылу Хәсәнова пляжда ял итүчеләргә суда үзеңне тоту кагыйдәләре язылган белешмә таратты, өлкәннәр, бигрәк тә балалар белән аңлату эше үткәрде. Янәшәдә кеше батканда нәрсә эшләргә, таныш булмаган сулыкта нәрсә эшләргә ярамавы - пляжда ял итүчеләр әлеге һәм башка кагыйдәләрне рейдта катнашучылар ярдәмендә искә төшерде. Тулаем алганда, ике сәгать эчендә йөзгә якын кеше белән аңлату эше үткәрелде.