Җәмигъ мәчетендә укулар уза

31 мартта район үзәгенең Җәмигъ мәчетендә авылларның имам-хатыйплары һәм аларның ярдәмчеләре өчен укулар башланды. Татарстан Диния нәзарәте белән берлектә Россия Ислам университеты мөгаллимнәре үткәрә торган әлеге чара ике көнгә исәпләнгән. Беренче көнне укуларны РИУның икътисад укытучысы Йосыф Йосыпов алып барды. Район мөхтәсибе Галимулла хәзрәт Яруллин башта гакыйкәгә караган мәсьәләләр һәм имам вазыйфалары өйрәнелсә, соңыннан ислам икътыйсадына, фикх яисә дин хөкемнәренә багышланганнары каралачак, диде. "Белемнәрне ныгытып, үзләрен кызыксындырган сорауларга җавап алып, дин әһелләребез үзләренең көндәлек эшләре өчен күп файда ала"-диде Галимулла хәзрәт.