Лаеклы бүләкләнү

Коллегиядә ТР Рәисе Рөстәм Миңнеханов катнашты, ул авыл хезмәтчәннәренә фидакарь хезмәтләре һәм республика уңышына зур өлеш кертүләре өчен рәхмәт белдерде.

Тармак алдынгыларын бүләкләү тантанасында якташыбыз - «Август-Кама Тамагы» ҖЧҖ тракторчы-машинисты Фаяз Бакиров та югары бүләккә лаек булды. Озак еллар нәтиҗәле хезмәте өчен аңа «Татарстан Республикасының атказанган авыл хуҗалыгы механизаторы» дигән мактаулы исем бирелде. Бүләкне Рөстәм Миңнеханов тапшырды.