Корбан мәҗлесе

Узган җомгада КЦСОН "Богородский рай"да Россия пенсионерлары союзының Кама Тамагы бүлекчәсе җитәкчесе Фәүзия Иванова пенсия идарәсе белән берлектә Корбан гаетенә багышлап мәҗлес оештырды.

Әлеге чарага 30дан артык әби-апалар җыелган иде. Остабикәләр Нурания апа Исмәгыйлева, Мөнирә апа Хәлилуллина вәгазь сөйләде. Коръәннән сүрәләр укыды. Мондый мәҗлесләр матур гадәткә кереп бара, алар динебез, әһлакыбыз турында фикер алышырга, рухи дөньябыз турында уйларга этәргеч бирә.