Кол-Шәрифтә кунакта

Алтын көз җитте. Бакчалар бушый башлады. Шуңа бәйле рәвештә безнең дә эш-мәшәкатьләр кими төште. Яз башында ук хыялланган уебызны чынга ашырып, мәчет каршында гарәпчә укырга йөрүче хатын-кыз пенсионерлар, бергә җыелышып, Казанга барып, Кол-Шәриф мәчетен карап-күреп кайттык. Сәяхәтебез бик тә күңелле булды. Барысы да уң килеп кенә торды. Кама Тамагы бистәсенең...

Алтын көз җитте. Бакчалар бушый башлады. Шуңа бәйле рәвештә безнең дә эш-мәшәкатьләр кими төште. Яз башында ук хыялланган уебызны чынга ашырып, мәчет каршында гарәпчә укырга йөрүче хатын-кыз пенсионерлар, бергә җыелышып, Казанга барып, Кол-Шәриф мәчетен карап-күреп кайттык. Сәяхәтебез бик тә күңелле булды. Барысы да уң килеп кенә торды. Кама Тамагы бистәсенең ветераннар берлеге рәисе Зәйнәп Хәбибулла кызы Галиева, кәсебенә керешеп, уңайлы транспорт та табыштырган. Аның сүзләренә караганда, социаль тернәкләндерү үзәге директоры Гөлназ Гайнетдинова берсүзсез микроавтобусын бирергә ризалашкан.
Кремль территориясендә безгә экскурсоводны Ходай Тәгалә үзе китереп бирде, диярсең. Әнисеннән күчтәнәч алырга килгән Айгөл Шамил кызы Нигъмәтова биредә шушы эштә эшли икән, ялы туры килеп күп кенә тарихи мәгълүматларны кызыклы һәм тулы эчтәлекле итеп хикәяләве белән күңелләребездә җылы тәэсирләр калдырды. Автобус шоферы Илнур Сафин да күндәм булып чыкты. Без теләгән башка мәчетләргә, кибетләргә дә йөрергә форсат бирде. Юлда барганда да, кайтканда да күңелдә сәяхәтче җыры: чыгып киттек без бергә, туган илне гизәргә, туган җирнең гүзәллеген, матурлыгын күрергә, дигән сүзләр яңгырады. Сәяхәттән илһамланып, байтак рухи азыклар туплап кайттык. Аерылышканда: тагын кайчан, кая барабыз, дип калдылар. Ошаган, димәк.
Йомгаклап, кыска сәфәрне истә калырлык итеп оештырырга булышлык күрсәтүчеләрнең һәркайсына төркемдәшләр исеменнән рәхмәт сүзләре ирештерәсе килә.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов:
  • 25 декабрь 2019 - 13:41
    Кама Тамагы: Яңа елны каршылыйбыз
  • 25 декабрь 2019 - 13:40
    "Туган як/ Родной край" форумында катнашучыларны Рудник урта мәктәбенең укытучылар һәм укучылар коллективы җылы каршы алдылар
  • Идел буйлап Рейд
  • Кирельский авылында мәдәният йорты
  • 9 май - Җиңү көне
  • 13 апрель 2020 - 15:22
    6847
    0
    1
  • 13 апрель 2020 - 15:21
    6397
    0
    1
  • 5 июль 2019 - 10:49
    Уведомления В соответствии со ст. 62 Избирательного кодекса Республики Татарстан № 21 –ЗРТ от 07.05.2007 редакция газеты Идел таннары (Волжские зори) (свидетельство о регистрации СМИ ПИ № ТУ16-01032 от 16 мая 2013 года) информирует, что общий объем бесплатной печатной площади, предоставляемой для проведения предвыборной агитации, в период с 10.08.2019 и до 0 часов 07.09.2019 составляет 2752 кв. см.
    6233
    0
    1