Кама Тамагының бәхетле аналарының берсе – Светлана Киселёва

Николай мәктәпне 2013 елда алтын медальгә, Игорь 2015 елда тәмамлаган. Икесе дә бердәм дәүләт имтиханнарында югары балларга ия булган, кайбер фәннәрдән югары күрсәткеч - 100 балл җыйганнар. Шуның өстенә абыйлы-энеле уку алдынгылары үрнәк тәртип белән дә аерылып торалар. Күпләргә таныш "Алма агачыннан ерак төшми" дигән гыйбарә алар гаиләсенә туры килә....

Николай мәктәпне 2013 елда алтын медальгә, Игорь 2015 елда тәмамлаган. Икесе дә бердәм дәүләт имтиханнарында югары балларга ия булган, кайбер фәннәрдән югары күрсәткеч - 100 балл җыйганнар. Шуның өстенә абыйлы-энеле уку алдынгылары үрнәк тәртип белән дә аерылып торалар. Күпләргә таныш "Алма агачыннан ерак төшми" дигән гыйбарә алар гаиләсенә туры килә.


Әниләр көне җитәрәк, без аларның әниләре Светлана Киселева белән бала тәрбияләү серләре турында сөйләшү максаты белән очраштык. Ачык, аралашучан, һәрвакыт шат күңелле Светлана Юрьевна уллары белән горурлануын яшерми.

"Балаларга һәрчак укытучыларны тыңлагыз, алар әйткән һәрнәрсәне күңелегезгә сеңдереп барыгыз, дип әйтә килдем. Алар тырышмыйча бернәрсәгә дә ирешеп булмавын яхшы белә. Мин үскән гаиләдә дә, иремнең гаиләсендә дә барысы да тырышлык белән табылган. Әтием Юрий Федорович гомере буе ПМКда, "Сельхозтехника"да тракторчы булып эшләде, әнием Надежда Петровна КБОда кисүче булып хезмәт итте. Ирем Николай Николаевич шулай ук тегү машинасы белән эш итә белә. Мин гомумән ир-ат күптөрле эш башкара белергә тиеш дип саныйм. Коля да, Игорь да чын ирләрчә һөнәр сайладылар. Коля архитектор булачак. Игорь энергетика университетында "электроэнергетика- электротехника" белгечлеген үзләштерә",- диде ул. "Балаларыгыз ничек шулай югары нәтиҗәләргә иреште?"-дигән соравыбызга, Светлана Юрьевна ике улының да нинди генә авыр мәсьәлә булса да, һәрчак куйган максатларына омтылучан булуларын әйтте. "Коля мөстәкыйль рәвештә күп шөгыльләнде. Хәзер дә мин аннан энесенә булышуын сорасам, ул Игорьга үзенә эшләргә куша. Артык кайгыртучанлык зыянга да булырга мөмкин. Алар спортны да үз итә. Игорь футбол уйнарга ярата, ә Коля бокс белән шөгыльләнә".

Светлана Юрьевнаны районыбызның күп кенә аналары белә. Үзәк район дәваханәсенең балалар бүлегендә 25 ел буе эшләү дәверендә ул йөзләгән балага савыгырга ярдәм иткән. 1988 елда Светлана Юрьевна Казан медицина училищесын тәмамлап, педиатрия буенча шәфкать туташы белгечлеге алып чыга. Ул балалар психологиясен дә бик яхшы аңлый.

"Улларым уку йортларын үзләре сайладылар һәм хәзер дә алар ялгышмаганбыз икән диләр. Үзләренең күңелләренә ошаган эш белән шөгыльләнәчәкләренә мин бик шат. Балаларны үстерергә әнием булышты, мин аңа бик рәхмәтле. Балалар һәм ата-ана күренмәс җепләр белән бик тыгыз бәйләнгән. Арада үзара аңлашу булса, тормыш юлында очраган теләсә нинди авырлыкны да җиңәргә була", - дип сүзен тәмамлады әңгәмәдәшем.

Без аңа һәм барлык әниләргә дә балаларының бәхетле булуларын телибез. Балалары бәхетле булса, аналар да бәхетле.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов:
  • 25 декабрь 2019 - 13:41
    Кама Тамагы: Яңа елны каршылыйбыз
  • 25 декабрь 2019 - 13:40
    "Туган як/ Родной край" форумында катнашучыларны Рудник урта мәктәбенең укытучылар һәм укучылар коллективы җылы каршы алдылар
  • Идел буйлап Рейд
  • Кирельский авылында мәдәният йорты
  • 9 май - Җиңү көне
  • 13 апрель 2020 - 15:22
    8719
    0
    1
  • 13 апрель 2020 - 15:21
    7795
    0
    1
  • 5 июль 2019 - 10:49
    Уведомления В соответствии со ст. 62 Избирательного кодекса Республики Татарстан № 21 –ЗРТ от 07.05.2007 редакция газеты Идел таннары (Волжские зори) (свидетельство о регистрации СМИ ПИ № ТУ16-01032 от 16 мая 2013 года) информирует, что общий объем бесплатной печатной площади, предоставляемой для проведения предвыборной агитации, в период с 10.08.2019 и до 0 часов 07.09.2019 составляет 2752 кв. см.
    7735
    0
    1