Кама Тамагының барысын да өлгерүче ана һәм укытучы

Бүгенге көндә Олы Салтык төп гомуми белем бирү мәктәбендә физика фәнен Сабирҗанова Резедә Солтан кызы алып бара.

Үзенең фәнен яратуы укучыларына да күчкән. Ул күрсәткән ачык дәресләр хезмәттәшләре күңелендә бары тик җылы хисләр генә уятты.

Олы йөрәкле Резедәнең 6 баласы да әниләренең эше бик җаваплы икәнлеген аңлыйлар. Кунаклар алдында алар да әниләренә багышлап җыр башкардылар.

Барысына да өлгерүче киң күңелле ана, 25 ел эш тәҗрибәсе булган укытучы- Резедә Солтан кызына сокланмый мөмкин түгел.