Кама Тамагында янгын гидрантларын кар күмеп киткән

Кичә «Коммуналь челтәрләр" ААҖ эшчеләре янгын сүндерү хезмәткәрләре белән берлектә Кама Тамагында янгын гидрантлары һәм пирслары өчен кулланылучы суүткәргеч системасы коеларын тикшерде.

Шундый 17 кое кардан чистартылып, гидрантлар кушу мөмкинлегенә тикшерелде. Аларның өчтән бере төзек түгел. Кайдадыр краннарның түбән булуы нәтиҗәсендә гидрантны тоташтырып булмый, кайдадыр краннар җимерек. Саклык банкы янындагы бер гидрантны хәтта тапмадылар да. Поселокның өч күлендә присларны тикшереп, янгын сүндерү хезмәткәрләре аларның берсендә дә якын килү урыннары җайлаштырылмавын билгеләп үтте, хәер, анда бәкеләр дә ясалмаган.