Кама Тамагында урманны кем кисә

Якшәмбе Лобач тавында чаңгы шуганда без яңа гына киселгән нарат төпләренә юлыктык. Күпме йөреп, әлеге юлда кисеп аударылган агачларны күргәнебез юк иде әле. Моны кем эшли алуы хакында мин тыюлык директоры Василий Никитинга мөрәҗәгать иттем.

-Тыюлыкта беркем дә агач кисә алмый. Узган елның көзендә без Сабантуе уздырылучы урында берничә законсыз киселгән агачка тап булдык. Әгәр агачларны үзирек белән кисүләрен күрсәгез, бу хакта полиция бүлегенә һәм Тәтеш урман хуҗалыгы урманчыларына шалтыратыгыз. Тыюлыкта сынган агачларны гына урманчы күзәтүе астында кисәргә мөмкин. Мондый эш тыюлыкны ауган агачлардан чистарту кысаларында башкарыла.