Кама Тамагында “Үлем белән кайда сату итәләр, хәбәр ит!” акциясе бара

16-27 ноябрьдә кабат наркоконтрольнең барлык бүлекчәләрендә "кайнар линия" телефоннары Татарстан халкының наркополиция хезмәткәрләренә шалтыратуларын кабул итә башлый. Акциянең төп бурычы -татарстанлыларның игътибарын наркоманиягә һәм наркотикларның законсыз әйләнеше проблемасына җәлеп итү, җәмгыятьнең һәм наркоконтроль органнарының көчләрен берләштерү, шулай ук авыр хәлгә юлыккан кешеләргә бушлай консультация ярдәме күрсәтү. "Үлем белән кайда сату...

16-27 ноябрьдә кабат наркоконтрольнең барлык бүлекчәләрендә "кайнар линия" телефоннары Татарстан халкының наркополиция хезмәткәрләренә шалтыратуларын кабул итә башлый.

Акциянең төп бурычы -татарстанлыларның игътибарын наркоманиягә һәм наркотикларның законсыз әйләнеше проблемасына җәлеп итү, җәмгыятьнең һәм наркоконтроль органнарының көчләрен берләштерү, шулай ук авыр хәлгә юлыккан кешеләргә бушлай консультация ярдәме күрсәтү.
"Үлем белән кайда сату итәләр, хәбәр ит!" акциясе барышында "кайнар линия" телефоны буенча шалтыратып, наркотик матдәләрнең законсыз әйләнеше, наркотик куллану һәм притон тоту очраклары турында хәбәр калдырырга була. Исегезгә төшерәбез, наркоконтрольнең Яшел Үзән районара бүлеге телефоны: 8-(84371) 5-55-00. Татарстанның наркоконтроль идарәсенең "ышаныч телефоннары" 8-(843)274-30-30 һәм 273-43-45 тәүлек буе үз эшләрен дәвам итәчәк. Алар буенча гражданнар ФСКН хезмәткәрләренә аноним рәвештә наркотик матдәләрнең законсыз әйләнеше фактлары турында хәбәр калдыра ала, шулай ук наркотик бәйлелектән дәвалану һәм тернәкләндерү мәсьәләләре турында киңәшләшергә була. Хәбәрләрне идарәнең интернет-кабул итү ведомство сайтында (http:llufskn.tatar. ru) калдырырга мөмкин.
Бу акциядә Россия ЭЭМ "Югары Ослан" муниципальара полиция бүлегенең "Кама Тамагы" бүлекчәсе актив катнашачак.
- Безнең максат - законсыз наркотиклар әйләнешенә һәм аларның медицинадан тыш кулланылышына каршы торуга җәмгыятьчелекне җәлеп итү, районга наркотик матдәләр керү юлларын ябу, наркотикларны ясау, тарату, куллануны пропагандалаучы интернет-сайтларны ачыклау, шулай ук балигъ булмаганнарны җинаять юлына тарту очракларын билгеләү, - диде полиция бүлекчәсе штаб инспекторы Илмир Мөхәммәтшин.
Гражданнар бу турыда мәгълүматны (843)2-912-002 телефонына, шулай ук дежур частька 2-12-72, 02 номерлары буенча хәбәр итә ала.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов:
  • 25 декабрь 2019 - 13:41
    Кама Тамагы: Яңа елны каршылыйбыз
  • 25 декабрь 2019 - 13:40
    "Туган як/ Родной край" форумында катнашучыларны Рудник урта мәктәбенең укытучылар һәм укучылар коллективы җылы каршы алдылар
  • Идел буйлап Рейд
  • Кирельский авылында мәдәният йорты
  • 9 май - Җиңү көне
  • 13 апрель 2020 - 15:22
    8635
    0
    1
  • 13 апрель 2020 - 15:21
    7738
    0
    1
  • 5 июль 2019 - 10:49
    Уведомления В соответствии со ст. 62 Избирательного кодекса Республики Татарстан № 21 –ЗРТ от 07.05.2007 редакция газеты Идел таннары (Волжские зори) (свидетельство о регистрации СМИ ПИ № ТУ16-01032 от 16 мая 2013 года) информирует, что общий объем бесплатной печатной площади, предоставляемой для проведения предвыборной агитации, в период с 10.08.2019 и до 0 часов 07.09.2019 составляет 2752 кв. см.
    7673
    0
    1