Кама Тамагы Яшелчә авылыннан Кәүсәрия һәм Илсур Сабировлар 50 ел бергә тигезлектә яшиләр

Гаилә - бәллүр савыт кебек, аны сакларга, кадерен белергә кирәк. Сакласаң, еллар үтә барган саен ул тагын да матуррак ялтырый, ә кадерен белмәсәң, төшә дә ватыла. Шуңа күрә дә бу сикәлтәле тормыш юлын зур сабырлык, түземлек белән үтеп, шатлык-кайгыларын уртаклашып яшәгән парлар аеруча ихтирамга, игътибарга лаек. Агымдагы елда алтын туйларын...

Гаилә - бәллүр савыт кебек, аны сакларга, кадерен белергә кирәк. Сакласаң, еллар үтә барган саен ул тагын да матуррак ялтырый, ә кадерен белмәсәң, төшә дә ватыла. Шуңа күрә дә бу сикәлтәле тормыш юлын зур сабырлык, түземлек белән үтеп, шатлык-кайгыларын уртаклашып яшәгән парлар аеруча ихтирамга, игътибарга лаек.
Агымдагы елда алтын туйларын билгеләп үткән Сабировлар гаиләсе әнә шундый парларга керә.

Гаилә башлыгы да, хуҗабикә дә хезмәт яраталар, авылдашлары белән дустанә мөнәсәбәтләрдә яшиләр.
Кәүсәрия апа тумышы белән Олы Салтык авылыннан. Язмыш кушуы буенча 16 яше тулгач, аларның гаиләсенә әбисе янына Кече Салтыкка күченергә туры килә. Олы Салтык мәктәбенең 7 сыйныфын тәмамлагач, "Ирек" күмәк хуҗалыгында бозаулар карый. Тормыш иптәше Илсур абый Яшелчә авылыннан, Антоновка мәктәбенең 7 сыйныфын бетергәч, тракторчы-шофер белгечлекләренә укый һәм тракторга утыра. Яшьләр авылның кичке уенында танышалар.
"Кәүсәрия бик чая кыз иде, кечкенә генә буйлы булса да, аны күрми калу мөмкин түгел иде, - дип елмая Илсур абый. - Мин аңа бер күрүдә игътибар иттем, ике ел дуслашып йөргәннән соң гаилә кордык».
"Өйләнешкәч, кайнанам белән бергә яшәдек. Мондый әйбәт хатынның килене булуым өчен язмышыма бик рәхмәтлемен. Кайнанам Миңнегаян бик чиста, оста куллы иде, мине күп нәрсәгә өйрәтте. Өч балабызны үстерергә дә булышты", - дип рәхмәт сүзләре белән искә ала аны Кәүсәрия апа.
Беренче көннәрдән үк гаилә үзара аңлашып, бер-берсенә ярдәмләшеп яши. Илсур абый озак еллар механизатор, Кәүсәрия апа сыер савучы булып эшли. Аларның икесенең дә гомуми хезмәт стажы 40 елдан артык. Авылдашлары, күршеләре Сабировлар гаиләсе турында уңай фикердә.
Әңгәмәбез барышында Кәүсәрия апа шифоньердан челтәр бизәкле ак ефәк шәл һәм сәйлән белән чигелгән түбәтәй чыгарды. "Болар - юбилеебызга район башлыгы бүләге, - дип горурлык белән әйтеп куйды ул. - Район Сабан туенда тапшырдылар, онытмаулары өчен рәхмәт".
"Гаилә бәхетенең сере нәрсәдә?" - дигән сорауга гаилә башлыгы Илсур абый: "Ир белән хатынның мөнәсәбәтләре башкалар алдында да, үзара да ачык, самими булырга тиеш. Матди байлык кына түгел, күңел байлыгын да бәяли белү мөһим. Тормыш булгач төрле хәл була. Шатлыгын да, кайгысын да бергә уртак итеп яшәргә, тормыш иптәшеңә хөрмәт белән карарга кирәк",- дип җавап бирде.
"Гаиләдә тынычлык һәм иминлек булса, йорт мәшәкатьләре шатлык кына китерә. Кем әйтмешли, эшләп беркемнең дә үлгәне юк әле", - дип өсти Кәүсәрия апа.
Сабировлар хуҗалыгында татар халкына хас булган чисталык-пөхтәлек, тәртип хөкем сөрә.
Өлкән яшьтә булуларына карамастан Илсур абый белән Кәүсәрия апа дөньяда барган хәлләрдән хәбәрдар, һәрвакыт хәрәкәттә. Мал-туар асрыйлар. Ял көннәрендә балаларын, яраткан оныкларын шатланып каршы алалар.
«Барлык гаиләләр дә шулай мәхәбәттә-хөрмәттә, аңлашып озак яшәсеннәр, картлык көннәрен тигезлектә бергә каршыласыннар», - диделәр алар әңгәмә ахырында. Алар белән аралашудан матур тәэсирләр калды. Үзләре тыйнаклар, зинһар безне артык мактап язмагыз, дип тә сорадылар. Олы хисләрегез алга таба да яшәү өчен көч, күңел көрлеге, бәхет чыганагы булсын сезгә, хөрмәтле юбилярлар.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов:
  • 25 декабрь 2019 - 13:41
    Кама Тамагы: Яңа елны каршылыйбыз
  • 25 декабрь 2019 - 13:40
    "Туган як/ Родной край" форумында катнашучыларны Рудник урта мәктәбенең укытучылар һәм укучылар коллективы җылы каршы алдылар
  • Идел буйлап Рейд
  • Кирельский авылында мәдәният йорты
  • 9 май - Җиңү көне
  • 13 апрель 2020 - 15:22
    8615
    0
    1
  • 13 апрель 2020 - 15:21
    7726
    0
    1
  • 5 июль 2019 - 10:49
    Уведомления В соответствии со ст. 62 Избирательного кодекса Республики Татарстан № 21 –ЗРТ от 07.05.2007 редакция газеты Идел таннары (Волжские зори) (свидетельство о регистрации СМИ ПИ № ТУ16-01032 от 16 мая 2013 года) информирует, что общий объем бесплатной печатной площади, предоставляемой для проведения предвыборной агитации, в период с 10.08.2019 и до 0 часов 07.09.2019 составляет 2752 кв. см.
    7659
    0
    1