Кама Тамагы татар урта гомуми белем бирү мәктәбендә “Мин һәм минем балам” исеме астында әдәби-музыкаль чара үткәрелде

17 декабрьда Кама Тамагы татар урта гомуми белем бирү мәктәбендә "Мин һәм минем балам" исеме астында әдәби-музыкаль чара үткәрелде.

Бәйрәмгә 6 сыйныф укучыларының әниләре: Фәния Миңнеҗанова, Рәзилә Хәйретдинова, Илмира Хәйруллина, Илсөяр Мостафиналар килгән иде. Чара 4 бүлектән торды. "Үзем турында үзем" бүлегендә һәр укучы үзләренең гаиләләре белән таныштырды.

"Әниеңне таны", "Әни - гөл" бүлекләрендә безнең белән бергә әниләр дә актив катнашты. Кунакка 5 сыйныф укучыларын чакырган идек. Бүлекләр арасында матур җырлар башкардык.

Бәйрәм ахырында һәрберебез әниләргә багышлап чын йөрәктән чыккан, иң матур сүзләрен җиткерде. Чәй табыны артында тәмле-тәмле пешкән ризыклардан авыз иттек.