Кама Тамагы районы Каратал авылында урнашкан янгыннан саклауның аерым бүлеге хезмәткәрләре ачык дәрес үткәрде

Язгы-җәйге - янгыннар килеп чыгу куркынычы зур булган чор. Каратал авылында урнашкан янгыннан саклауның аерым бүлеге хезмәткәрләре 31 март көнне Иске Казиле урта гомуми белем бирү мәктәбенең 8 сыйныф укучылары белән бу темага ачык дәрес үткәрде.

Балаларга янгыннан саклану чаралары, янгын килеп чыккан очракта үз-үзеңне тоту кагыйдәләре турында аңлаттылар. Янгын сүндерүче һөнәренең үзенчәлекләре турында сөйләделәр. Соңыннан бергәләп истәлеккә фотога сурәткә төштеләр. Биредә алган белешмәләрен ныгыту өчен укучыларга янгын куркынычсызлыгы кагыйдәләре язылган брошюралар таратылды.