Кама Тамагы районы Иске Казиле авылы мәдәният йортында уңыш бәйрәме үткәрелде

Чарага килүчеләр үзләре үстергән уңыштан әзерләгән әйберләрен алып килделәр, шулардан күргәзмә ясадык. Бәйрәмне клуб мөдире Әскәрова Тәслимә башлап җибәреп, катнашучыларны уңыш бәйрәме белән котлады. Мәктәп укучылары үзләренең концерт номерлары белән чыгыш ясадылар. Концерттан соң бәйге үткәрелде: кем тизрәк бәрәңге, суган әрчи, күп төрле ярмалардан кем җитезрәк аерып җыя һәм башкалар. Кичә чәй табыны артында дәвам итте. Бәйрәм һәркемнең күңеленә хуш килде.