Яңа трассаларга иске технологияләр ярдәм итә

«Автодор» дәүләт компания- сенең Казан филиалы җитәкчесе Александр Умеренков Түбән Новгородтан Казанга кадәр М-12 участогында агач конструкцияләрдән ясалган кар тоткарлагыч калканнар урнаштыру буенча эшләр бару турында хәбәр итте. Шулай ук трасса буендагы кырларда кар тоткарлау буенча эшләр башкарыла.

Юлларның кышкы торышын мониторинглау һәм күптән түгел булган кар стихиясе барышында автомобиль юлларына кар көртләре өелә торган проблемалы участоклар ачыкланган. Шуңа күрә юлларны җил белән кырлардан очып килгән кардан саклау өчен, бу урыннарда 20 километр тирәсе өстәмә рәвештә кар тоткарлагыч калканнар урнаштырылачак.