Хат язу дәресе

Татарстанда "Иң яхшы хат язу дәресе" XII Бөтенроссия конкурсының төбәк этабы старт алды.

Ул рус телен популярлаштыру һәм эпистоляр (хатлар төре) жанрны торгызуга булышырга чакыру йөзеннән оештырылды.

Быел конкурс Россиядә Мәдәният елына багышлана. Анда барлык мәктәп укучылары, колледж, югары уку йорты студентлары, иҗат йортында тәрбияләнүчеләр һәм җәйге лагерьда булучылар катнаша ала. Шулай ук "Хат язу дәресе үткәрү өчен иң яхшы методик эшләнмә" номинациясендә мәктәп укучыларына хат язу дәресен иҗади бирә белүче педагоглар, рус теле укытучылары үз көчләрен сыный ала. Әлеге конкурс унбер номинациядә үтә һәм аңа быелның октябрь аенда нәтиҗә ясала. Ул Бөтендөнья почта көне бәйрәм итүгә багышлана.