Халык җыеннары башлана

Дәүләт Советының соңгы утырышында Татарстан Республикасы Президенты Рөстәм Миңнеханов республикада яшәүчеләрнең үзләренең җирлекләрен үстерү планнарын эшләүдә катнашу мөмкинлеге булырга тиеш дип белдерде.

Сайлау компаниясе барышында "Бердәм Россия" партиясенең төп эш формасы- халык җыеннары үткәрү буенча масштаблы программаны тормышка ашыру. Аның төп максаты- халыкны борчыган проблемаларны тыңлау, шулай ук алардан җирле территорияләрне үстерү буенча тәкъдимнәр алу. Алар барысы да "Бердәм Россия" партиясенең алдагы биш еллык программасына кертеләчәк. Муниципаль район башлыгы урынбасары Газинур Габидуллин сүзләренә караганда, безнең районда муниципаль район башлыгы- "Бердәм Россия" партиясенең территориаль бүлеге политсоветы секретаре Зөфәр Гарәфиев, Татарстан Республикасы Дәүләт Советы депутатына кандидатлар катнашында беренче җыен 13 августта Осинникида үткәрелә. Аннан соң график буенча районның башка торак пунктларында да узачак.