Һәлак булганнарның исемен кайтарырга

Казанның "Отечество" мәгълүмати эзләнү үзәгенең эзләнү отряды районыбыздан Бөек Ватан сугышы елларында һәлак булганнарның мәгълүматларын ачыклады.

Үзәк һәлак булган кешенең туганнарын эзләүдә ярдәм итә алучыларга мөрәҗәгать итә. Солдатның фамилиясе, исеме, атасының исеме, туган елы билгесез. Туган урыны: ТАССР, Кама Тамагы районы, Кече Мәрәтхуҗа авылы. Кама Тамагы РВКсы алган. Туганнарының адресы: (мәсәлән, архив документларында) ТАССР, Кама Тамагы районы, Вольно-Каратай авыл Советы, 9 Кызыл Каратай, хатыны- Федосеева Елена Николаевна. Әлеге гаиләне белүчеләрдән һәм туганнарыннан түбәндәге телефон буенча безгә хәбәр итүләрен үтенәбез: (8843) 555-02-55. Адрес: 420039, Казан-39 а/я 122, "Отечество" мәгълүмати эзләнү үзәге, электрон почта: mipc@maie.ru