Эш визиты кысаларында

Икенче чакырылыш муниципаль район Советының егерме алтынчы утырышы булды. Анда "Кама Тамагы муниципаль район башлыгының 2012 елда социаль-икътисадый үсеш һәм 2013 елга бурычлар турында отчеты" тыңланды. Утырыш эшендә Татарстан Республикасы Президенты Рөстәм Миңнеханов катнашты. Районга эш визиты вакытында ул муниципаль район башлыгы Зөфәр Гарәфиев, кайбер министрлыклар һәм ведомстволар җитәкчеләре озатуында төзелә торган "Фоника Гипс" заводы белгечләре өчен кырык өч торак йортны файдалануга тапшыру тантанасында катнашты.