Дәрәҗәле кунак белән очрашу

Күршебез Илфар Хисамов үзләренең кунакчыллыгы белән аерылып торалар.

Менә тагын бөтен гаиләләре белән нинддер ят кеше тирәсендә бөтерелеп кенә йөриләр. Мин дә аларга барып кушылдым һәм, чыннан да, бу кешенең бик кадерле кунак булуына төшендем. Франгиз Гыйлфанетдин улы Хисамов - профессор, техник фәннәр докторы, отставкадагы полковник. Аның әтисе Бәрлегуҗада туып үскән. Франгиз үзе дә 20 яшенә кадәр авылга бик еш кайтып йргән. Җәйге ял вакытларында авыл малайлары белән балык тоткан, су коенга, җиләккә йөргән. Тормыш мәшәкатьләре белән 50 елда авылга кайтырга туры килмәгән аңа. Күптән түгел төп нигездә яшәүче туганнары интернет аша аны эзләп таба һәм элемтәгә керәләр. Казанга командировкага килгәч, галим Бәрлегужа авылыны кайтырга вакыт таба. Туган яктан еракта яшәсә дә, татарча бик яхшы сөйләшә, искиткеч гади ул. Бүгенге көндә Кубан мәгълүматны саклау институты ректоры, Краснодар югары хәрби училищесы профессоры булып эшли. Франгиз гыйлфанетдин улы ата-баба нигезенә кабат әйләнеп кайтарга вәгъдә биреп, китеп барды.