Чүпнең дә була төрлесе

Поселок советына кешеләр төрле сораулар белән мәрәҗәгать итә. Бирегә контейнер мәйданчыкларын һәм бункерларны чүп-чардан чистартуны үтенеп шалтыратулар сирәк күренеш түгел.

Зур өч поселокта яшәүчеләр фикеренчә, «Благоустройство» ООО һәрвакытта да чүп-чарны вакытында җыештырып бетерә алмый. Әмма әлеге поселокларда яшәүчеләр адресына ООО хезмәткәрләре тарафыннан да дәгъва җитәрлек. Мәсәлән, аеруча җәй ахырында, көз башында чүп-чар белән бергә контейнерлар һәм бункерларга халык кура җиләге, карлыган куаклары һәм ботакларын, помидор һәм бәрәңге сабакларын да актив ташлый.
- Шуны искә төшерәсе килә, үсемлек калдыклары көнкүреш чүп-чары түгел, - ди «Кама Тамагы штп» башкарма комитеты җитәкчесе вазыйфаларын башкаручы Ольга Шалдыбина. - Куак һәм ботакларны алып китү өчен аерым түләү хисабына «Благоустройство» ОООга трактор арбасына заказ бирергә кирәк ( берничә йорт хуҗасы җыелып та мөмкин) һәм андый чүп-чарны шуңа тутырырга була. Арбага заказ бирү 800 сум, ә контейнер мәйданчыкларына һәм бункерларга тиешсез чүп ташлаган өчен 5 мең сум штраф каралган. Шуннан үзегез уйлап карагыз.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: