Чит илгә барырга теләсәгез

Россия гражданнарына яңа чит ил паспортлары 2008 елдан бирелә башлады. Бу паспортка микрочип куелган, мәгълүматларны саклау электрон-цифрлы имза нигезендә башкарыла.

РФ УФМС Кама Тамагы районындагы территориаль пунктына агымдагы елда чит ил паспорты алу өчен 47 кеше мөрәҗәгать иткән, аларга гариза тутырырга ярдәм күрсәтелгән. Хәзерге вакытта районда яшәүчеләр яңа үрнәктәге чит ил паспортлары алу өчен документларны Буа районына (Р.Люксембург урамы, 39 йорт) яисә Казанга барып (Чехов урамы, 8/2 йорт) тапшыра ала. Документлар бары тик алдан язылу буенча гына кабул ителә. Кирәк булган документларны Россия ФМС рәсми сайтында белергә мөмкин.