«Чисталык дәресе»

11 сентябрьдә халыкка социаль хезмәт күрсәтү үзәгенең гаилә һәм балага ярдәм итү бүлеге белгечләре Кирельск төп мәктәбендә «Чисталык дәресе» республика экологик белем бирү акциясе кысаларында укучылар өчен төрле чаралар үткәрде.

Укучылар һәрберебезнең ел саен 300 кг калдык булдыруын белде. Һәр кеше яшәү шартларыбызны уңайлы итү өчен чүпне тиешле урынга гына салырга тиеш. Район халкының чиста ишек алдында, чиста авылда, районда һәм илдә яшәргә теләге булуына ышанабыз.