Шәфкатьлелек янәшәдә

Узган гасырның җитмешенче елларында «Матурлыкны еллар алып китсә дә, шәфкатьлелек кала...» дигән сүзләр булган җыр бар иде.

бу чыннан да шулай. Әгәр кеше ачык йөзле икән, тормыш авырлыкларына карамастан, ул һәрвакыт шундый булып кала. Бер очрак моңа инанырга ярдәм итте. Район үзәгендә иҗтимагый оешма вәкилләре каты авырып киткән ханымга акча җыюда ярдәм итүне үтенеп, халыкка мөрәҗәгать иткән иде. Коммуналь һәм Горький урамнарында акчаны поселок ветераннар советы рәисе Зәйнәп Галиева җыйды.

- Урамыбызда шундый киң күңелле кешеләр яши дип уйламаган идем. Беркем дә баш тартмады, һәркем савыгуга өмет итеп акчасын бирде. Янәшәмдә шундый күршеләрем булганга мин бик шат.