Бюджет салым хисабына тулыланачак

2015 елның 1 гыйнварыннан Салым кодексының "Физик затлар милкенә салым" дип исемләнгән бүлеге көченә керде.

2020 елга кадәр төбәкләр кадастры канәгатьләнерлек хәлдә булмаса, инвентаризация бәясеннән чыгып милеккә салым исәпләячәк.

Фатирга 20 кв. метр, бүлмәгә 10 кв метр, торак йортка 50 кв метр салымнан азат ителә, бердәм күчемсез милек комплексына чигерү 1 миллион сум тәшкил итәчәк. Гамәлдәге ташламалар көчендә кала, әмма салым түләүче ихтыяры буенча һәр төрнең берсенә генә кагыла. Мәсәлән, пенсионерның ике дачасы, ике фатиры һәм бер гаражы булса, ул бер фатирга, бер дачага һәм гаражга ташламага хокукка ия. Кибет һәм офисларга, шулай ук 300 миллион сумнан артык торган күчемсез милеккә ташлама каралмаган.