Болгарга сәяхәт

14 июнь - Идел Болгарында ислам динен кабул итү көнендә район делегациясе Болгарда тантаналы чарада катнашып, тарихи урыннарга сәяхәт кылды.

Осталар шәһәрчеге, халык промыселлары сәүдә рәтләре, шамаилләр күргәзмәсе, рухи лидерлар һәм Россия мөселманнары белән очрашу - әлеге чарада һәркем күңеленә хуш килгән әйберне тапты. Район делегациясен МР башкарма комитеты җитәкчесе урынбасары вазыйфаларын башкаручы Елена Сороковнина җитәкләде.

Әлеге сәяхәтне оештырганы өчен МР башкарма комитеты җитәкчесе Павел Лохановка, автобус шоферы һәм ЦРБ медицина хезмәткәренә рәхмәт.