Бүләккә сыерчык оясы

Кама Тамагы бистәсенең "Салават күпере" балалар бакчасында өлкән төркемдә экологик акция булды. Башта әңгәмәләр үтте, аннан соң балаларга кош оялары ясарга тәкъдим иттек. Әти-әниләр моңа рәхәтләнеп кушылды һәм ике атна эчендә 10 оя ясадылар. Аларны бакча территориясенә элдек. Кошлар озак көттермәде, ояларга хуҗа булдылар.Хәзер балалар көн саен аларны күзәтә. Акциядә актив катнашкан гаиләләрне әйтергә кирәк:Апаровлар, Вәлиевлар, Гыйлемҗановлар, Төхфәтуллиннар, Миңнегалиевлар, Бутин, Миргазизов, Хәсәнов, Сергеевларга (алар ике оя ясады) рәхмәтлебез.