Беренче тәкъдим

Газетабыз танылган якташыбыз, язучы-драматург Туфан Миңнуллинга һәйкәл кую планлаштырылуы хакында язып чыккан иде. Моннан тыш, алдагы санда аны кую урыны турында конкурс игълан ителде.

Районның теләсә кайсы кешесе, язучының иҗатын яратучы бу уңайдан үз фикерен җиткерә ала. Беренче тәкъдим Кама Тамагы һәм Апас районнарында Пенсия фонды идарәсе җитәкчесе Илмир Гыйлметдиновтан керде. Ул һәйкәлне район үзәгендә Туфан Миңнуллин музее янында куярга тәкъдим итте. Яңа тәкъдимнәр көтәбез.