Балыкчыны явызларча үтерүчеләр тоткарланды

38 яшьлек Сергей Елесин узган шимбәдә автомобиле белән юкка чыккан булган. Кичә аның яндырылган машинасын һәм үле гәүдәсен таптылар. Сергей һәвәскәр балыкчылар федерациясе активисты иде. Аны күмәкләшеп - туганнары, дуслары эзләде. Соңрак аларга балыкчылар, шәхси вертолет, полиция, коткаручылар кушылды. Кичкә таба янган "Шевроле-Нива" машинасын һәм Сергейның гәүдәсен "Ковали" газбүлү станциясеннән...

38 яшьлек Сергей Елесин узган шимбәдә автомобиле белән юкка чыккан булган. Кичә аның яндырылган машинасын һәм үле гәүдәсен таптылар.


Сергей һәвәскәр балыкчылар федерациясе активисты иде. Аны күмәкләшеп - туганнары, дуслары эзләде. Соңрак аларга балыкчылар, шәхси вертолет, полиция, коткаручылар кушылды. Кичкә таба янган "Шевроле-Нива" машинасын һәм Сергейның гәүдәсен "Ковали" газбүлү станциясеннән ерак булмаган урында табалар.

Балыкчының соңгы тапкыр 10 октябрьдә элемтәгә керүе билгеле иде. Ул вакытта ул Лаеш районында була. Инде үтерүдә шикле адәмнәр тоткарланган. Алар Лаеш районы Сокуры авылында яшәүче 22 яшьлек Фәнис Ситдыйков һәм аның 28 яшьлек бертуган абыйсы Рәмис Ситдыйков. Алар өлешчә үз гаепләрен таныган.

Тикшерү фаразлары буенча, руль артында Фәнис Ситдыйков булган "Лада" машинасы Сергейның "Шевроле-Нива"сы белән бәрелешә. Исерекләр Сергейның артыннан куа башлыйлар. Куркыныч янавын аңлаган Сергей бу хакта "112" коткару номерына да хәбәр итә. Ләкин соң була инде.

"Лада" машинасындагылар "Шевроле" әйләнеп капланырлык итеп юлны кистерәләр. Шуннан Сергейны басуда кулларын бәйләп, көрәк белән кыйныйлар һәм яшәү билгесе бирми башлагач машинасына сөйрәп кертәләр.

Шуннан алар өйләренә кайтып китә, абыйсы йокларга ята, ә кечкенә туганы канистра белән бензин алып килеп машинага ут төртә.

Җинаять эше кузгатылган. Тикшерү дәвам итә.

http://intertat.ru

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов:
  • 25 декабрь 2019 - 13:41
    Кама Тамагы: Яңа елны каршылыйбыз
  • 25 декабрь 2019 - 13:40
    "Туган як/ Родной край" форумында катнашучыларны Рудник урта мәктәбенең укытучылар һәм укучылар коллективы җылы каршы алдылар
  • Идел буйлап Рейд
  • Кирельский авылында мәдәният йорты
  • 9 май - Җиңү көне
  • 13 апрель 2020 - 15:22
    8378
    0
    1
  • 13 апрель 2020 - 15:21
    7587
    0
    1
  • 5 июль 2019 - 10:49
    Уведомления В соответствии со ст. 62 Избирательного кодекса Республики Татарстан № 21 –ЗРТ от 07.05.2007 редакция газеты Идел таннары (Волжские зори) (свидетельство о регистрации СМИ ПИ № ТУ16-01032 от 16 мая 2013 года) информирует, что общий объем бесплатной печатной площади, предоставляемой для проведения предвыборной агитации, в период с 10.08.2019 и до 0 часов 07.09.2019 составляет 2752 кв. см.
    7471
    0
    1