Балчыклыда һәйкәл ачылды

9 майда Балчыклы авылында яу кырларында ятып калган авылдашлары истәлегенә һәйкәл ачылыш булды.

Һәйкәл төзелеш турында бер ел элек авыл активы белән ТИҮ утырышнда хәл итәләр. Әлеге башлангычны авылда туып үскән ике туган Илһам һәм Илдар Шиһаповлар хуплады. Әниләре хәзер дә авылда яши, егетләр авылга еш кайтып йөри һәм авылдашларының уй-хыялларын яхшы белә. Бәйрәмгә әзерләнү эшендә авыл халкы да кайткан кунаклар да актив катнашты. Әзерләнгән паркны җыештырдылар, чәчәкләр һәм агачлар утыртылды. Һәйкәл ачылышында Олы Бортас авыл җирлегендә яшәүче ике сугыш ветераны -Габделһади Зәйнуллин һәм Бәдретдин Сәгъдиев, төп иганәчеләр - абыйлы-энеле Шиһаповлар, РУСХиП җитәкчесе урынбасары Госман Камалиев, күпсанлы кунаклар һәм 130дән артык авыл халкы катнашты.