Авыл халкының кышкы мәшәкатьләре

Олы Бортас авыл җирлегендә эчке авыл юлларын ремонтлау өчен 800 тонна вак таш кайтартылган.

-Без көздән үк Кече Бортас авылында Гагарин урамына вак таш җәйдердек, - ди җирлек башлыгы Радик Сәгъдиев. - Балчыклыда үзсалым акчасына ике урамга җыю өчен вак таш кайтартылды. Биредә хуҗасыз бинаны янгын сүндерү депосы итеп җайлаштырдык. Иганәче - шушы авылда туып-үскән Илһам Шиһапов ярдәмендә ремонт ясадык. Бүген депога ут үткәрәсе һәм янгын сүндерү өчен көйләнгән машина сатып аласы калды. Безгә бу эштәдә Илһам ярдәм итәргә вәгъдә итә.