Әфганстан борылышы

Сәламләү сүзе белән муниципаль район башлыгы урынбасары Рөстәм Гыйлметдинов чыкты. Рөстәм Ирекович сугышчы-интернационалистларга хәрби бурычларын намус белән үтәгәннәре өчен рәхмәт әйтте.

Район хәрби комиссары Дамир Сергеев әфган сугышының безнең дәүләт тарихына кызыл җеп белән сугарылып язылганлыгын билгеләп үтте.

Әфганстан сугышында катнашкан Владимир Оленин сугышчан дусларына мөрәҗәгать итеп болай диде: «Сугышчан дусларыбызны искә алып, хәтерне яңартыйк».

Бу көнне әфган сугышында һәлак булган якташыбыз - Марс Нуретдинов каберенә венок куелды.