Җәен дә, кышын да хезмәттә

Ул гомер буе авыл хуҗалыгында эшләүче танылган механизатор.

Мәктәптән соң Тәтеш автомәктәбен тәмамлаган һәм армиягә алынган. Кайтуга ук колхозга механизатор булып урнашкан. Тракторда да, комбайнда да, машинада да эшләгән. Соңгы елларда «Олы Кариле» ҖЧҖда эшли, кыш көне авыл җирлеге башлыгына ярдәм итә: су күтәрү манарасы эшен күзәтә.

– Суэтем башнясындагы автоматика эше өчен җаваплы кеше бездә генә бар, - ди Келәнче авыл җирлеге башлыгы Дамир Кадыйров. - Бу бик мөһим, бигрәк тә салкыннарда. Фоат бик җаваплы һәм ышанычлы кеше. Кирәк чакта ул башняга юлны чистарту өчен техника сорый, шуңа күрә башня һәрвакыт төзек һәм төгәл эшли.