Юбилеең котлы булсын!

Бөек Ватан сугышы ветераны Салих Хәйруллин узган атнада үзенең 90 яшьлек юбилеен билгеләп үтте.
6 мартта муниципаль район башлыгы Зөфәр Гарәфиев Салих аганы юбилее белән котлады һәм шәхсән үзе аңа Россия Президенты Владимир путин имзасы куелган котлау телеграммасын тапшырды.
Салих Солтан улы 1923 елда Чаллы авылында туган. 1942 ел башында армиягә алалар, Омск пехота училищесына юллыйлар, әмма укуы тәмамланып өлгерми - ашыгыч арада Ленинград фронтына җибәрәләр. Гданьск, Кенигсбергны алуда катнаша. Салих ага туган ягына 1947 елның июлендә әйләнеп кайта. Башта район Советы башкарма комитеты секретаре, аннары Кайбыч район Советы башкарма комитеты рәисе урынбасары булып эшли. 10 елдан артык райком аппаратында хезмәт куя. Райкомнан район башкарма комитетына күчеп, 25 ел эшли һәм райплан рәисе, район башкарма комитеты рәисе урынбасары вазыйфасыннан лаеклы ялга китә.
Данлыклы, хөмәткә лаек тормыш юлы. Ул күпсанлы бүләкләр белән бүләкләнгән, район халкы ихтирамын казанган кеше. Салих ага, юбилеегыз котлы булсын!