Ситдикова Рәсимә Хәлил кызына 50 яшь тула

Чирмешән районы Иске Кади авылында туып үскән, бүгенге көндә Кама Тамагы районында яшәүче кадерле, яраткан сеңлем Ситдикова Рәсимә Хәлил кызына 27 октябрьдә 50 яшь тула.

Рәсимә туганым! Сине 50 яшьлек юбилеең белән ихлас котлыйм. Сиңа нык сәламәтлек, хәерле бәрәкәтле гомер телим. Тормышыңда уңышлар, күтәренке кәеф юлдаш булсын. Һәрвакытта да шулай шат, ачык йөзле, изге күңелле булып кал. Сабырлыгың беркайчан да сүнмәсен. Аллаһ Тәгалә сиңа балалар бәхете, оныклар куанычы, дөнья рәхәте насыйп итсен.

Сау-сәламәт булып бик күп еллар

Туган көннәреңне каршыла.

Моң-сагышлар күрми үтсен гомерең

Гел шатлыклар чыксын каршыңа.

Рәхәт яшә җирдә, бәхетле бул,

Кайгы-хәсрәтләргә юлыкма,

Сине яраткан һәм хөрмәт иткән

Туганнарың барын онытма.

Иң изге теләкләр белән апаң Мәйсәрә. Бу теләкләргә җизнәң Газинур, кодагый әбиең, Илнур-Гүзәл, Алинә-Эдуард, апаларың, абый-энеләрең һәм аларның гаиләләре дә кушыла.